नेपाल वायुसेवा निगमका पूर्वअध्यक्ष चतुर्वेदीको निधन

काठमाडौं । नेपाल वायुसेवा निगमका पूर्वअध्यक्ष रामाज्ञाप्रसाद चतुर्वेदीको निधन भएको छ । उनको बिहिबार बिहान घरको चौथो तलाबाट खसेर निधन भएका हो ।

उनी काठमाडौंको बुलबुलेस्थित निर्माणाधीन घरको चौथो तलाबाट खसेका हुन् । यस घटनालाई लिएर प्रहरीले थप अनुसन्धान गरिरहेको छ । उनको शव पोस्टमार्टमका लागि त्रिवि शिक्षण अस्पताल लगिएको प्रहरीले जनाएको छ ।

नेपाल वायुसेवा निगम, आयल निगम लगायतमा प्रमुख भएर काम गरेका चर्तुवेदीलाई २०६८ भदौ २१ मा सर्वोच्च अदालतले  भ्रष्टाचारी ठहर गरेको थियो।