३३ किलो सुन तस्करीका नाइके गोरेसहित ६ जनालाई जन्मकैद फैसला

काठमाडौँ । ३३ किलो सुन तस्करी र मोरङका सनम शाक्यको हत्या प्रकरणमा जिल्ला अदालत मोरङले ६ जनालाई जन्मकैदको फैसला सुनाएको छ।

आज मंगलबार न्यायाधीश भरत लम्सालको इजलासले  चूडामणि उप्रेती गोरे, मोहन काफ्ले, टेकराज मल्ल, लाक्पा शेर्पा, नरेन्द्र कार्की र भोजराज भण्डारीलाई जन्मकैदको सजाय सुनाएको हो।

जिल्ला अदालत मोरङले अपराधिक समूह स्थापना र सञ्चालन गरी सुन चोरी पैठारी र चोरी निकासीको अवैध कारोबार, अपहरण तथा शरीर बन्धक र कर्तव्य ज्यान मुद्दाको बहस भएको थियो।

सरकारले २०७४ चैत ३० गते  सहसचिव संयोजक ईश्वरीराज पौडेलको नेतृत्वमा उच्चस्तरीय छानिन समिति गठन गरेको थियो ।

समितिले विमानस्थलबाट ३ हजार ८ सय किलो सुन तस्करी भएको तथ्य बाहिर ल्याएको थियो। यस्तो तस्करीमा प्रहरीदेखि व्यापारीसम्मको संलग्नता भएको समितिले निष्कर्ष निकाल्यो।

समितिले सय दिन लामो अनुसन्धानपछि प्रहरीसहित ७५ जनालाई प्रतिवादी बनाएको थियो।