चन्द्रागिरिबाट फर्किइन् राष्ट्रपति भण्डारी    

काठमाडौँ । राष्टपति विद्यादेवी भण्डारी चन्द्रागिरिबाट फर्किएकी छन्। चन्द्रागिरि हिल्समा निजी भ्रमणमा गएकी भण्डारी शीतलनिवास फर्किएको चन्द्रागिरि व्यवस्थापनले जनाएको छ। 

राष्ट्रपति भण्डारी सोमबार चन्द्रागिरि हिल्स पुगेकी थिइन्।  ‘हिजो चन्द्रागिरिमा आउनुभएको हो’, चन्द्रागिरिका जनरल म्यानेजर अभिशेक विक्राम शाहले भने, ‘आज फर्किनुभएको छ।’

उनले राष्ट्रपतिको नितान्त निजी भ्रमण रहेको बताए। ‘उहाँ आफ्नो परिवारसँग आउनुभएको थियो। चन्द्रागिरिमा घुमेर फर्किनुभयो’, शाहले भने।