संखुवासभा कांग्रेसमा दीपक खड्का विजयी

संखुवासभा । नेपाली कांग्रेस संखुवासभा जिल्ला सभापतिमा दीपक खड्का विजयी भएका छन् । उनी वरिष्ठ नेता रामचन्द्र पौडेलनिकट मानिन्छन् ।

पूर्व खानेपानी तथा सरसफाइ राज्यमन्त्री समेत रहेका खड्का १ हजार एक सय ९८ मत ल्याएर सभापतिमा बाजी मारेका हुन् । कूल एक हजार तीन सय ५२ मत खस्दा खड्काले १ हजार एक सय ९८ प्राप्त गरेका हुन् ।

खड्कामा प्रतिद्धन्द्धी सभापति शेरबहादुर देउवानिकट राईमान राईले जम्मा ११० मत मात्रै ल्याएका थिए । उपसभापतिमा राजकुमार जिमी र अनन्त गौली निर्वाचित भए भने सचिवमा टकमान घले र कुमारबाबु अधिकारी तथा सहसचिवमा किशोरकुमार गुरूङ र सुवास कालाखेती विजयी भएका छन् ।