घट्यो काठमाडौँ उपत्यकामा संक्रमण, २५५ जना संक्रमित थप

काठमाडौँ । पछिल्लो २४ घण्टामा काठमाडौँ उपत्यकामा थप २५५ जनामा कोरोना संक्रमण पुष्टि भएको छ।

स्वास्थ्य मन्त्रालयका अनुसार काठमाडौँमा २२२, भक्तपुरमा १३ र ललितपुरमा २० जना संक्रमित थपिएका हुन्।

यस्तै पछिल्लो २४ घण्टामा देशभर ६७९ जना संक्रमित थपिएका छन् भने ७ जनाले ज्यान गुमाएका छन्।

आइतबार १ हजार ४०५ जना कोरोना संक्रमणमुक्त भएका छन्। हाल देशभर १६ हजार ८०४ सक्रिय संक्रमित रहेका छन्।

गत चौबीस घन्टामा ७ हजार ७० पीसीआर तथा ३ हजार ८५० एन्टिजेन परीक्षण भएको छ।