नेकपा (एकीकृत समाजवादी) ले टुङ्ग्यायो पदाधिकारी, सचिवमा रामकुमारी झाँक्री चयन (नामसहित)

काठमाडौँ । नेकपा (एकीकृत समाजवादी) ले पदाधिकारीको नाम टुङ्गो लगाएको छ । आज (बिहीबार) बसेको स्थायी कमिटीको बैठकले पदाधिकारीको नाम सहमतिमा टुङ्गो लगाएको हो ।

त्यस्तै डा. बेदुराम भुषाल महासचिवमा नियुक्त भएका छन् । स्थायी कमिटिको बैठकले राजेन्द्र पाण्डे, प्रमेश हमाल, धर्मनाश शाह र जयन्ती राईलाई उपाध्यक्षमा चयन गरेको छ ।  उपमहासचिवमा प्रकाश ज्वाला, गंगालाल तुलाधार र विजय पौडेल चयन भएका छन्।

जगन्नाथ खतिवडा, केशवलाल श्रेष्ठ, नागेन्द्र चौधरी र रामकुमारी झाँक्री चार जना सचिव भएका छन्। अहिले केही बेरमा बस्ने केन्द्रीय कमिटीले पदाधिकारीको नाम अनुमोदन गर्नेछ ।