काठमाडौँ उपत्यकामा थप ४३० जनालाई कोरोना

काठमाडौँ । पछिल्लो २४ घण्टामा काठमाडौँ उपत्यकामा थप ४३० जनामा कोरोना संक्रमण  पुष्टि भएको छ।

स्वास्थ्य मन्त्रालयका अनुसार काठमाडौँमा २९३, भक्तपुरमा ३९ र ललितपुरमा ९८ जनामा संक्रमण पुष्टि भएको हो।

नेपालमा पछिल्लो २४ घण्टामा थप १ हजार ५११ जनामा कोरोना संक्रमण पुष्टि भएको छ।

यस्तै गत २४ घण्टामा कोरोनाबाट ११ जना संक्रमितले ज्यान गुमाएका छन्। यससँगै कोरोनाबाट हालसम्म ज्यान गुमाउनेको संख्या ११ हजार २ पुगेको छ।