जिल्ला समन्वय समितिका प्रमुख सोमनाथ पोर्तेललाई कोरोना संक्रमण

झापा । झापा जिल्ला समन्वय समितिका प्रमुख सोमनाथ पोर्तेललाई कोरोना संक्रमण भएको छ ।

उनी कोरोना पोजेटिभ भएपछि होम आइसोलेसनमा बसेका छन् । उनलाई अहिलेसम्म कुनै लक्षण देखिएको छैन । उनले आफुलाई कोरोना संक्रमण भएपछि आफुसँग सम्पर्कमा रहेका सबैलाई सावधानी अपनाउन आग्रह गरेका छन् ।

पछिल्लो २४ घण्टामा झापामा २ महिलासहित २२ जनामा कोरोना संक्रमण पुष्टि भएको थियो । झापा कोरोना प्रभावित जिल्लामध्ये मै पर्छ ।

जिसस प्रमुख पोर्तेललाई कोरोना पोजेटिभ भएपछि जिल्ला समन्वय समितिको कार्यालय अर्को सूचना नभएसम्मका लागि बन्द गरिएको जिल्ला समन्वय अधिकारी रुद्र न्यौपानेले जानकारी दिए ।