तेह्रथुमका ३१ वर्षीय संक्रमितको धरानमा मृत्यु

धरान । बीपी कोइराला स्वास्थ्य विज्ञान प्रतिष्ठानको कोभिड अस्पतालमा उपचारका क्रममा एक जना कोरोना संक्रमितको मृत्यु भएको छ ।

तेह्रथुमको म्याङलुङ नगरपालिका –१ का ३१ वर्षीय युवकको उपचारकै क्रममा सोमबार बिहान साढे ९ बजे मृत्यु भएको प्रतिष्ठानले जानकारी दिएको छ ।

आइतबार कोरोना संक्रमण पुष्टि भएका उनलाई सोमबार मात्रै प्रतिष्ठानको कोभिड अस्पतालमा भर्ना गरिएको थियो । मृतकमा मिर्गौलासम्बन्धी दीर्घ रोग रहेको प्रतिष्ठानले जनाएको छ ।