भरतपुर अस्पतालमा उपचाररत नवलपुरका कोरोना संक्रमितको मृत्यु

चितवन । भरतपुर अस्पतालमा उपचाररत कोरोना (कोभिड १९) संक्रमितको मृत्यु भएको छ । मृत्यु हुनेमा नवलपुर विनय त्रिवेणी गाँउपालिका २ दुम्कीबासका ३६ वर्षीय पुरुष रहेका छन् । श्वासप्रश्वास र कलेजो सम्बन्धी समस्या रहेका उनको अस्पतालको कोभिड आईसीयूमा उपचारका क्रममा आज दिउँसो ४ बजेर ५० मिनेटमा मृत्यु भएको अस्पतालका सूचना अधिकारी लिलाधर पौडेलले जानकारी दिए ।

पौडेलका अनुसार ती पुरुष आज दिउँसो १२ बजे कोरोना संक्रमणसहित अस्पतालमा भर्ना भएका थिए । उनी असोज १३ गते कोरोना पुष्टि भएपछि होम आइसोलेसनमा बस्दै आएका थिए लामो समयदेखि मुटु र कलेजोको उपचार गराइरहेको पौडेलले बताए ।