सुनको मूल्यमा फेरि नयाँ रेकर्ड, हेर्नुस् कति पुग्यो आज ?

काठमाडौँ ।  निरन्तर उकालो लागेको सुनको मूल्यले आज फेरि नयाँ रेकर्ड कायम गरेको छ ।

सुनको मूल्य आज  प्रति तोला एक हजार रुपैयाँले बढेर एक लाख ३ हजार ५ सय रुपैयाँ निर्धारण भएको नेपाल सुनचाँदी व्यवसायी महासङ्घले जनाएको छ ।

यस्तै चाँदीको भाउले पनि आज रेकर्ड बनाएको छ । चाँदी आज तोलामा ६० रुपैयाँ बढेर तोलाको १४ सय ५ रुपैयाँ पुगेको छ ।

अन्तर्राष्ट्रिय बजारमा सुनमा लगानीकर्ता आकर्षित भएको तर उत्पादन कम भएको तथा ठूला देशबीच द्वन्द्व बढ्दै गएकाले सुनको भाउ लगातार उकालो लागेको  महासङ्घले जानकारी दिएको छ ।