पहिलो पटक राष्ट्रिय परिचयपत्र लिने भण्डारीको निधन

पाँचथर । नेपालमै पहिलो पटक राष्ट्रिय परिचयपत्र प्राप्त गर्ने पाँचथरको फिदिम नगरपालिका– ४ शान्तिपुरकी भगवतीदेवी भण्डारीको निधन भएको छ ।

नेपालमै पहिलो पटक गत मंसिर ३ गते गृहमन्त्री रामबहादुर थापाले भण्डारीलाई राष्ट्रिय परिचयपत्र प्रदान गरेर राष्ट्रिय परिचयपत्र वितरणको शुभारम्भ गरेका थिए । गृहमन्त्री थापाले समेत वयोवृद्धा भण्डारीबाट आफ्नो राष्ट्रिय परिचयपत्र ग्रहण गरेका थिए ।

दमबाट ग्रसित १०२ वर्षीया भण्डारीको शुक्रबार निधन भएको हो । उनको शुक्रबार नै फिदिम स्थित हेँवा घाटमा दाहसंस्कार समेत गरिएको छ ।भण्डारीका २ छोरा र १ छोरी छन् ।