ठुलो परिमाणको लागुऔषध सहित तीनजना पक्राउ

काठमाडौं । नागढुंगाबाट प्रहरीले लागुऔषध सहित ३ जनालाई पक्राउ गरेको छ ।
महानगरीय प्रहरी प्रभाग नागढुंगाबाट खटिएको प्रहरी टोलीले चेकजाँच गर्ने क्रममा विरगंजबाट काठमाडौं आउँदै गरेको ना ४ ख ८६९८ नम्बरको यात्रुवाहक बसमा सवार पर्सा, पोखरिया नगरपालिका–२ बस्ने बर्ष २४ को गोविन्द कुमार शाहले झोलामा लुकाईछिपाई ल्याउँदै गरेको डाईजाल्याव १०० एम्पुल, फेनेरागन १०० एम्पुल र नोर्फिन १०० एम्पुल बरामद गरेको छ ।

यसैगरी, कलैयाबाट काठमाडौं आउँदै गरेको ना ५ ख ५१४२ नम्बरको यात्रुबाहक बसमा सवार ललितपुर महानगरपालिका–२२, भैंसेपाटी बस्ने बर्ष २५ को सन्त लामा र वर्ष २७ को लक्ष्मण तामाङ्गको साथबाट डाईजाल्याव २० एम्पुल, फेनेरागन १९ एम्पुल, नोर्फिन २० एम्पुल बरामद गरेको छ ।

उनीहरुलाई महानगरीय प्रहरी वृत्त थानकोटमा राखी आवश्यक अनुसन्धान भईरहेको प्रहरीले जनाएको छ ।