साउन २३ देखि नेविसंघको महाधिवेशन

काठमाडौं । नेपाली कांग्रेसको प्रमुख भात्रृ संस्था नेपाल विद्यार्थी संघमा निर्वाचन हुने वा नहुने भन्ने अन्योल बढिरहेका बेला साउन २३ देखि १२ औँ महाधिवेशन हुने भएको छ ।

अध्यक्ष नैनसिंह महरले संघीयतामा देश गएको अवस्थामा नेविसंघको विधान र नियमावलीलाई समयानुकूल बनाएर मस्यौदा तयार भइरहेको बताए । आगामी जेठ ३० गते नेविसंघको मस्यौदाबारे छलफल गर्न पूर्व केन्द्रीय अध्यक्ष र पदाधिकारीसँग छलफल समेत गर्ने भएको छ ।

अध्यक्ष महरले विधानलाई अन्तिमरुप दिन असार ३ गते सातवटै प्रदेशका राजधानीमा सुझाव संकलन गरिने बताए । सुझाव संकलनका लागि नेविसंघले सातै प्रदेशमा विभिन्न व्यक्तिलाई जिम्मेवारीसमेत दिएको छ ।

असार १ देखि सदस्यता वितरण गर्ने, असार २० देखि सबै शैक्षिक संस्था, स्थानीय तह, जिल्ला र प्रदेशको अधिवेशन सम्पन्न गर्ने छ ।