आफुलाई डस्ने सर्पलाई समातेर सर्पसँगै अस्पतालमा एक महिला

एजेन्सी,२४ जेठ । भारतको उत्तर प्रदेशमा एक महिलाले आफुलाई डस्ने सर्पलाई सँगै लिएर अस्पताल पुगेकी छन् ।

सञ्चार माध्यमका अनुसार मंगलबार राती शौचालय जाने क्रममा उनलाई सर्पले डसेको हो । उनले साडी र लठ्ठीको साहाराले सर्पलाई समाएर डिब्बामा हालेर बन्द गरेर राहेकी थिइन ।

सर्पले डस्नु त कुनै नौलो कुरा नभएतापनि उनले सर्प समाउन जुन कुरा आपनाइन त्यो भने साच्चै रोचक रहेको छ ।

सर्पले डसेपछि ठूलो आवाजमा चिच्याइन र उक्त ठाउमा पुगेका व्यक्तिहरुको जानकारी अनुसार सर्पलाई डिब्बामा राखिएको थियो ।

त्यहाँ उपस्थित अन्य व्यक्तिले उनलाई तत्काल अस्पताल पुर्याएका थिए । डाक्टरका अनुसार अहिले उनको स्थिती खतरामुक्त छ ।