यस वर्षको वातावरण पत्रकारिता पुरस्कार मण्डल र शेर्पालाई

काठमाडौं । नेपाल वातावरण पत्रकार समूहले हरेक वर्ष वातावरण दिवसका अवशरमा प्रदान गर्ने ‘वातावरण पत्रकारिता पुरस्कार’ पत्रकारद्धय चन्दनकुमार मण्डाल र छेटु शेर्पालाई संयुक्त रुपमा प्रदान गर्ने भएको छ । 

पत्रकार मण्डल दि काठमाडौं पोष्ट दैनिकमा कार्यरत छन् भने शेर्पा अन्नपूर्ण पोष्ट दैनिकका संवाददाता हुन् । पुरस्कारको राशी २५ हजार रुपैयाँ र प्रमाण–पत्र रहेको छ ।

समूहले प्रत्येक वर्ष जुन महिनाको ५ तारिख विश्व वातावरण दिवसको अवसरमा सो पुरस्कार प्रदान गर्ने गरेको छ ।

सन् २०१७ भरि वातावरण र दिगो विकासका विषयमा पत्रपत्रिका, रेडियो, टेलिभिजन तथा अनलाईनमा उत्कृष्ट लेख–रचनाहरू प्रकाशित गर्ने वा कार्यक्रम प्रस्तुत गर्ने पत्रकारमध्येबाट छनौट गरेर यो पुरस्कार एक जनालाई प्रदान गर्ने गरेको थियो ।

तर यो पटक विषयगत विविधता, तथ्य–तथ्याङ्क, भाषा, जनसरोकार र मौलिकता भएका लेखहरुको मूल्याङ्कन गर्दा दुवैजना पत्रकारहरुको बराबरी अङ्क आएकाले यो पुरस्कार दुवैजनालाई दिने निर्णय भएको हो ।समूहद्वारा स्थापित ‘वातावरण पत्रकारिता पुरस्कार–२०१७’ पाउने पत्रकारद्धय ३१औँ पत्रकार हुन्।