फेरि बढ्यो पेट्रोलको मुल्य, पेट्रोलको मुल्य ११३ रुपैयाँ

काठमाडौं । नेपाल आयल निगमले फेरि इन्धनको मुल्य बढाउको छ । जसअनुसार अब अब पेट्रोल लिटरमा ११३ रुपैयाँ पुगेको छ ।

निगमले शनिबार राति १२ बजेबाट लागू हुने गरी निगमले पेट्रोल, डिजेल र मट्टीतेलमा ३÷३ रुपैयाँ मूल्य वृद्धि गरेकोे छ ।

भारतीय आयल कर्पोरेशन (आईओसी)ले शुक्रबार नयाँ मूल्यसूची पठाएपछि नेपालमा मुल्य बढाइएको नेपाल आयल निगमले जनाएको छ । निगमले आन्तरिक हवाई इन्धनमा प्रतिलिटर ५ रुपैयाँ र अन्तर्राष्ट्रिय तर्फको हवाई इन्धनमा प्रतिहजार लिटर ७५ डलर रुपैयाँ बढाएको छ ।

मूल्य समायोजनपछि पनि निगमलाई पेट्रोलमा प्रतिलिटर १.५९ रूपैया र डिजेलमा ३.४९ रूपैयाँ घाटा छ । ग्यासमा प्रतिसिलिन्डर १३९ रुपैयाँ घाटा छ । नयाँ मूल्यअनुसार भारतमाभन्दा नेपालमा पेट्रोल एक लिटरमा २२ र डिजेल २४ रूपैयाँ सस्तो छ ।