नेपालमा आर्थिक विकास हुने राजदूत सुन्दासको विस्वास

काठमाडौं । बहराइनका लागि नेपाली राजदूत पदम सुन्दासले नेपाल अब आर्थिक विकासको बाटोमा अगाडि बढ्ने विश्वास व्यक्त गरेका छन् ।

गणतन्त्र दिवसको उपलक्ष्यमा बहराईनबासी नेपाली संघसंस्थाका प्रतिनिधि, विभिन्न कम्पनीमा कार्यरत नेपाली लगायतको उपस्थितिमा राजदूतावासमा भएको शुभकामना आदान प्रदान कार्यक्रममा राजदूत सुन्दासले यस्तो नेपाल विकासको बाटोमा अघि बढिसकेको बताए ।

गणतनत्र दिवसको अवसरमा दूतावास परिसरमा दिपावलीसमेत गरिएको थियो । राजदूत सुन्दासले बहराइनबासी सम्पूर्ण नेपाली नागरिकहरुलाई गणतन्त्र दिवसको उपलक्ष्यमा शुभकामनासमेत दिएका थिए ।

बहराइनस्थित दूतावारद्धारा जारी विज्ञप्तीमा गणतन्त्र दिवस २०७५ को उपलक्ष्यमा गणतन्त्र प्राप्तिका लागि विभिन्न कालखण्डमा भएका आन्दोलन, जनयुद्ध र २०६२/०६३ को ऐतिकासिक जनआन्दोलनमा जीवन उत्र्सग गर्ने सम्पूर्ण सहितहरुप्रति श्रद्दाञ्जली अर्पण गरिएको उल्लेख छ ।

विज्ञप्तिमा भनिएको छ, ‘सामाजिक रुपान्तरण सहितको समुन्नत र सम्वृद्ध नेपाल निर्माणमा राष्ट्रको ध्यान केन्द्रित भै भौगोलिक अखण्डता, सार्वभौमिकता र राष्ट्रिय एकतालाई सम्वृद्ध गर्न तथा देशलाई आर्थिक विकासको बाटोमा अगाडि बढाउन गणतन्त्र दिवसले हामी सबैमा प्रेरणा दिने विश्वास व्यक्त गर्दछौँ ।’