डोटीमा जीप दुर्घटना हुँदा ४ जनाको मृत्यु, १० जना घाइते

डोटी । डोटीको बोगटान गाउँपालिकामा जीप दुर्घटना हुँदा ४ जनाको मृत्यु भएको छ ।

दिपायलबाट गगुडा पलाडी जाँदै गरेको से१ज ८७७ नं. को जीप ६ गगुडा पलाडीमा दुर्घटना हुँदा चालकसहित ४ जनाको मृत्यु भएको छ भने १० जना घाइते भएका छन् ।

सो दुर्घटनामा परी चालक रामबहादुर बिक, साहु भगत द्धारिया र इन्नरी रावलको मृत्यु भएको छ । एक जना मृतक महिलाको भने सनाखत भएको छैन ।

जिल्ला प्रहरी कार्यालय डोटीले घटना भएको पुष्टि गरेको छ । तर घटनास्थल सदरमुकामबाट ३५ किलोमिटर दुरीमा रहेका कारण प्रहरी घटनास्थल पुग्न सकेको छैन ।