नेपाली भूमि भारतीयद्धारा कब्जा, प्रशासन बेखवर

सप्तरी । सप्तरीको गोबरगाढा र लालापटीमा भारतीय नागरिकले नेपाली भूमि कब्जा गरेका छन् ।

सयौंको संख्यामा आएका भारतीय नागरिकले नेपाली भूमि कब्जा गरी घर टहरा बनाउन थालेका छन् । उनीहरुले आफूखुसी सार्वजनिक जग्गा घेरा हाली खेती गरिरहेका छन् ।

हनुमाननगर कंकालिनी नगरपालिकाअन्तर्गत कोसीको बीचमा रहेको गोबरगाढा टापुमा भारतीयले थुप्रै घर टहरा बनाएका हुन् । केही बर्षयता बाढीको त्रासले स्थानीय विस्थापित भएको मौका छोपी भारतीय नागरिक नेपाली भूमिमा आएका हुन् ।

नेपाली भूमी कब्जा गरिएकोबारे नेपाली प्रशासन भने मौन देखिएको छ ।