तानसेनको श्रीनगरडाँडामा बम विस्फोट

पाल्पा । तानसेन नगरपालिका–५ कैलाश नगरस्थित श्रीनगरडाँडामा बम विस्फोट भएको छ ।

आइतबार बिहान करीब ५ बजे भएको बम विस्फोटको कारण स्थानीयवासी त्रसित भएका छन् ।
विस्फोटक पदार्थ के भन्नेबारे अनुसन्धान भइरहेको जिल्ला प्रहरी कार्यालयका नायब उपरीक्षक विनोद घिमिरेले बताएका छन् ।

नजिकै भेटिएका टुक्रालाई आधार मान्दा प्रेसर कुकर बम हुनुपर्ने उनको अनुमान छ । यसैबीच नेकपाले आह्वान गरेको बन्दले जनजीवन बिहानैदेखि प्रभावित भएको छ ।

बन्दका कारण जिल्लाबाट छुट्ने लामो तथा छोटो सवारी साधन छुटेका छैनन् । शैक्षिक संस्था, बजार पसल सबै ठप्प छन् ।