भरतपुरको भाटभटेनी सुपरमार्केटमा बम बिस्फोट

चितवन । भरतपुरको भाटभटेनी सुपरमार्केटमा आइतबार बिहानै बम बिस्फोट भएको छ । ओरालोनजिक रोयल सेन्च्युरी होटल र भाटभटेनी सुपरमार्केटको बीचमा बिहान पौने ४ बजे बम बिस्फोट भएको हो ।

विप्लव नेतृत्वको नेपाल कम्युनिष्ट पार्टीका कार्यकर्ताले ग्रिनेट बिस्फोट गराएको चितवनका प्रहरी उपरीक्षक दीपक थापाले जानकारी दिए । उनका अनुसार विस्फोटबाट भाटभटेनीको पछाडि भागको सिसा फुटेको छ ।

अन्य मानवीय क्षति भने नभएको प्रहरीले जनाएको छ । प्रहरी उपरीक्षक थापाले विस्फोट गर्ने एक जनाको पहिचान भएको र खोजी जारी रहेको बताएका छन् । मोटसाइकलमा आएका दुई जनाले बम विस्फोट गराएको उनले बताए ।