ग्लोबल आईएमई बैंकको जिप दुर्घटना हुँदा शाखा प्रमुखसहित २ को मृत्यु

गुलरिया । ग्लोबल आईएमई बैंक धनगढी शाखाको जिप दुर्घटनामा प्रमुखसहित दुई जनाको मृत्यु भएको छ । धनगढीबाट नेपालगञ्ज आइरहेकोको बैंकको बा १७ च १२१७ नम्बर जिप शुक्रबार बेलुका बर्दिया जिल्लाको बारबर्दिया नगरपालिका–९ औरहीमा दुर्घटनामा परेको थियो ।

दुर्घटनामा ग्लोबल आईएमई बैंकको धनगढी शाखा प्रमुख ४२ वर्षीय रामबहादुर हमाल र सोही बैंकमै कार्यरत कञ्चनपुर घर भएका ३२ वर्षीय भुवन पन्तको कोहलपुर मेडिकल कलेजमा उपचारका क्रममा ज्यान गएको हो ।

जिप दुर्घटना ६ जना घाइते भएका छन् । घाइतेहरुको कोहलपुर मेडिकल कलेजमा उपचार भइरहेको छ । प्रहरीका अनुसार घाइतेहरु खतरामुक्त छन् ।

पछाडिको पांग्रा फुस्किएर जिप दुर्घटनामा परेको प्रारम्भिक अनुसन्धानका क्रममा देखिएको प्रहरीले जनाएको छ ।