प्रेस स्वतन्त्रता दिवसमा केन्द्रिय सदस्यसहित पूर्व अध्यक्षहरु सम्मानित

धनकुटा । विश्व प्रेस स्वन्त्रताको दिवसको अवसरमा नेपाल पत्रकार महासंघका केन्द्रिय सदस्यसहित धनकुटा शाखाका पूर्वअध्यक्ष र सल्लाकार सम्मानित भएका छन् ।

सम्मानित हुनेहरुमा नेपाल पत्रकार महासंघका केन्द्रिय सदस्य गोपाल बराइली, नेपाल पत्रकार महासंघ धनकुटा शाखाका संस्थापक अध्यक्ष संजय सन्तोषी राई, पूर्व अध्यक्ष विजय सन्तोषी राई, मोहन वान्तवा राई, खगेन्द्रप्रसाद घिमिरे र सल्लाकार टंकबहादुर राई छन् ।

‘शक्तिको निगरानी : मिडिया, न्याय र विधिको शासन’ भन्ने मुल नाराका साथ मनाइएको विश्व प्रेस स्वतन्त्रता दिवसको अवसरमा उनीहरुलाई सम्मान गरिएको हो । उनीहरुलाई पत्रकारिता क्षेत्रको विकासमा पुर्याएको योगदानको कदर गर्दै सम्मान गरिएको हो ।

कार्यक्रममा नेपाल प्रेस यूनियनका धनकुटा शाखाका अध्यक्ष यानिन्द्र तिगेला, प्रेस चौतारीका अध्यक्ष सन्तोष रुचाल, प्रेस सेन्टरका ब्रमलाल हजारी, नेपाल पत्रकार महासंघ धनकुटाका उपाध्यक्ष नगेन्द्र राई, फोनिजका अध्यक्ष सन्तविर लामा लगायतले शुभकामना दिएका थिए ।

नेपाल पत्रकार महासंघ धनकुटाका अध्यक्ष राजेश्वरबहादुर श्रेष्ठको सभापतित्वमा भएको सो कार्यक्रमको सचिव विदुर खवासले गरेका थिए ।