बानेश्वरमा आफ्नै बाबुले गरे २ नाबालक छोराको हत्या, शव लुकाएर राखेको अवस्थामा भेटियो

काठमाडौँ । राजधानीको बानेश्वरमा आफ्नै बाबुले २  नाबालक छोराको हत्या गरेर लुकाएर राखेको अवस्थामा भेटिएको छ ।

बानेश्वरको सुकुम्बासी बस्तीमा बस्दै आएका दीलिप यादवले आफ्नै कोठामा २ छोराको हत्या गरेर लुकाएर राखेको अवस्थामा भटिएको हो ।
यादवले करिब एक साताअघि आफ्ना ६ वर्षीय र ८ वर्षीय २ छोराको हत्या गरेर आफ्नै घरको कोठामा लुकाएर शव राखेको अवस्थामा प्रहरीले फेला पारेको हो ।

वैशाख १० गते महानगरीय प्रहरी वृत्त बानेश्वरमा बच्चा हराएको भन्दै प्रहरीमा उजुरी परेको थियो । हराएको भन्दै उजुरी परेपछि ती बच्चाहरूलाई प्रहरीले खोजी गरिरहेको थियो ।

यादवले शुक्रबार आफ्नो परिवारलाई बच्चाको हत्या गरी घरमै शव राखेको खबर गरेका थिए। हत्यापछि फरार रहेका यादवलाई प्रहरीले खोजी कार्य जारी राखेको छ।