छुट्टाछुट्टै ठाउँमा आगलागी २० लाखको क्षति

राजविराज । सप्तरीको छुट्टाछुट्टै ठाउँमा आज आगलागी हुँदा करीब २० लाखको क्षति भएको छ ।

जिल्लाको सुरुङ्गा नगरपालिका १ बस्ने सुरेन्द्र चौधरीको घरमा आगलागी हुँदा तीनवटा घर जलेर नष्ट भएका छन् । आगलागीबाट करीब १७ लाख बराबरको धनमाल नष्ट भएको जिल्ला प्रहरी कार्याल, सप्तरीले जनाएको छ ।

यस्तै विष्णुपुर गाउँपालिका ३ मा आगलागी हुँदा ३ लाख बराबरको क्षति भएको छ । स्थानीय सीताराम मण्डलको आँगनमा थ्रेसरबाट गहुँ दाउने क्रममा आगलागी हुँदा ४ वटा घर जलेर नष्ट भएको छ ।