पेट्रोलको मुल्य पुग्यो १०६ रुपैयाँ

काठमाडौं । नेपाल आयल निगमले पेट्रोलियम पदार्थको मुल्य बढाएको छ ।

२०७२ मा सरकारले नेपालमा पहिलो नेपालम अन्तर्राष्ट्रिय मुल्यको समायोजन गर्ने गरी स्वचालित मूल्य लागू गरेको थियो । त्यसको झण्डै २ वर्षसम्म मुल्य घटाउँदै आएको नेपाल आयल निगमले पछिल्ला केही महिना लगातार मुल्य बृद्धि गर्दै लगेको छ ।

सोमबार नेपाल आयल निगमल पेट्रोलमा प्रतिलिटर १ रुपैयाँ र डिजेल तथा मट्टितेलमा प्रतिलिटर २/२ रुपैयाँ बढाएको छ । योसँगै अब नेपालमा पेट्रोलको मूल्य १ सय ६ पुगेको छ ।

डिजेल तथा मट्टितेलको भाउ प्रतिलिटर ८७ रुपैयाँ कायम भएको छ । निगमले यसअघि चैत १९ गते मात्र पेट्रोल र डिजेल तथा मट्टितेलको मुल्य बृद्धि गरेको थियो ।

अन्तर्राष्ट्रिय बजारमा पेट्रोलियम पदार्थको मूल्य समायोजन हुँदा नेपालमा पनि मूल्य समायोजन हुने गरेको छ । अन्तर्राष्ट्रिय बजारमा कच्चा तेलको मुल्य बढेका कारण नेपालमा पनि मुल्य बढाउनु परेको निगमले जनाएको छ ।