बम विष्फोटबाट गाउँपालिकाको भवन क्षतिग्रस्त

इलाम । इलाम जिल्लाको चुलाचुली गाउँपालिका कार्यालयमा शनिबार राति गराईएको बम विष्फोटबाट भवन क्षतिग्रस्त भएको छ ।

विष्फोटबाट गाउँपालिकाको सभा हल र कार्यपालिकाको बैठक कक्ष पूर्णरुपमा क्षति भएको छ । दुईतले भवनको छत भ्वाङ परेको र छानासमेत खसेको कार्यालयका कार्यकारी अधिकृत छवि खतिवडाले बताए ।

घटनास्थलको प्रकृति हेर्दा प्रेसर कुकर बम विस्फोट भएको हुनसक्ने प्रहरीले आशंका गरेको छ । जिल्ला प्रहरी कार्यालयले घटनाको अनुसन्धान भइरहेको जनाएको छ ।