दुबै प्रहरी संगठनमा खनाल दाजु भाई बने आइजीपी

कठमाडौं । सरकारले नेपाल प्रहरीमा सर्वेन्द्र खनाल र सशस्त्र प्रहरीमा शैलेन्द्र खनाललाई आइजीपी नियुक्त गरेको छ ।

नेपाल प्रहरीका महानिरीक्षक प्रकाश अर्याल र सशस्त्र प्रहरीका महानिरीक्षक सिंहवहादुर श्रेष्ठ ३० वर्षे अवधिका कारण अवकाश हुँदैछन् । उनीहरुले अवकाश हुनु एकदिन अघि बल्ल सरकारले नयाँ आइजीपी नियुक्त गरेको हो ।

लामो समयको रस्साकस्सीपछि सरकारले नेपाल प्रहरी र सशस्त्र प्रहरीमा खनाल द्धयलाई आइजीपी नियुक्त गरेको हो । आज विहान बसेको मन्त्रीपरिषद् बैठकमा आइजीपी नियुक्त हुन नसकेपछि अहिले साँझ बसेको मन्त्री परिषद्को बैठकले नयाँ आइजीपी नियुक्त गरेको हो ।

आइजीपी नियुक्तीको विषयमा कुरा नमिलेपछि प्रधानमन्त्री केपी शर्मा ओलीले माओवादी अध्यक्ष प्रचण्ड र गृहमन्त्री रामवहादुर थापा बादलसँग निक्कै लामो छलफल गरेका थिए ।