घर भत्किँदा भक्तपुरमा ५ घाइते

भक्तपुर । बुधबार साँझ सूर्यविनायक नगरपालिका–१० चित्तापोल खुलाल गाउँमा घर भत्किँदा ५ जना घाइते भएका छन् ।

स्थानीयवासी विदुर थापाको इँटा माटोले बनेको कच्ची घर भत्किँदा सोही घरमा बस्ने ५ जना घाइते भएका हुन् ।

सो घर भत्किँदा पशुपति थापा, सरदा थापा, उमेश थापा, रोशन थापा र सरिना थापा घाइते भएको महानगरीय प्रहरी परिसर भक्तपुरले जनाएको छ । घाइतेको काभ्रेको धुलिखेल अस्पतालमा उपचार भइरहेको छ । अहिले घाइतेको अवस्था सामान्य रहेको छ ।

घर भत्किँदा १३ लाख बराबरको धनमाल क्षति भएको छ । दुई दिनदेखि परेको वर्षाका कारण सो भत्किएको अनुमान गरिएको छ ।