नक्सा बनाउँदा पैसा असुल गरेको छैन : वडाध्यक्ष

रामेछाप । मन्थली नगरपालिका वडा न ९ पुरानोगाउँका वडा अध्यक्ष बुद्धिबहादुर पुलामी मगरले आफुले कुनै नक्सा बनाउँदा पैसा असुल नगरेको स्पष्टीकरण दिएका छन् ।

वडा अध्यक्ष मगरले सोमबार विज्ञप्ती जारी गर्दै केही सञ्चार माध्यमहरुमा वडा अध्यक्ष र इन्जिनियरले नक्सा बनाई पैसा असुलेको समाचार आएपछि आफुले नक्सा बनाउँदा कुनै पैसा नलिएको स्पष्टिकरण दिएका हुन् ।

नगरपालिका क्षेत्रमा बसोबास गर्ने भूकम्प पीडितले निजी आवास पुनः निर्माण गर्दा अनिवार्य रुपमा नक्सा बनाउनुपर्ने छ । वडा अध्यक्ष मगरले भने पुरानोगाउँमै खटिएका प्राविधिक मात्रै नभएर भूकम्प प्रतिरोधी मापदण्डको भए जुनसकै प्राविधिकसँग पनि बनाउन मिल्ने उल्लेख गरेका छन् ।

सो वडामा कार्यरत प्राविधिक अनुराग वाग्लेले पनि सार्वजनिक भएका समाचारमा जस्तो कुनै प्रकारको गल्ती नभएको बताएका छन् ।