रामेछापमा ट्याक्टर दुर्घटना एकको मृत्यु ३ घाइते

रामेछाप । रामेछाप जिल्लाको मन्थली नगरपालिका वडा नम्बर ६ भलुवाजोमा बुधबार ट्याक्टर दुर्घटना हुदा एकजनाको मृतयु भएको छ भने ३ जना घाइते भएका छन् ।

भलुवाजोरको कुविन्डेबाट घर निर्माणका लागि ढुंगा लिएर बेतीनी जादै गरेको को २ त २६१० नम्बरको ट्याक्टर दुर्घटना हुदा मन्थली नगरपालिका वडा नम्बर ६ भलुवाजोरकी ३६ बर्षिय सानुमाया तामाङको घटना स्थलमै ज्यान गएको जिल्ला प्रहरी कार्यालय रामेछापका प्रहरी निरिक्षक राजकुमार थापाले जानकारी दिए ।

दुर्घटनामा मन्थली नगरपालिका ६ भलुवाजोरकै ३१ बर्षकी पुर्णिमा मोक्तान , कुल बहादुर थोक्कर र ट्याक्टर चालक लिखु गाउँपालिका वडा नम्बर ३ का राजकुमार तामाङ घाइते भएको प्रहरीले जनाएको छ ।

घाइते मध्य पुर्णिमा मोक्तानको अवस्था गम्भिर छ । घाइतेहरुको जिल्ला अस्पताल रामेछापमा उपचार भैरहेको जिल्ला प्रहरी कार्यालय रामेछापले जनाएको छ । ट्याक्टर कच्ची सडकबाट १५ मिटर तल खसेको थियो ।तामाकोसी खबर