हुस्सु लाग्दा माइक्रोबस दुर्घटना, १ को मृत्यु १० घाइते

दाङ । दाङको विजौरीमा माइक्रो बस दुर्घटना हुँदा एक जनाको मृत्यु भएको छ भने १० जना घाइते भएका छन् ।

सोमबार बिहान बा३ख ९५२१ नं‍ को माइक्रोबस बाक्लो हुस्सुका कारण अनियन्त्रित भई दुर्घटना भएको इलाका प्रहरी कार्यालय तुलसीपुरले जनाएको छ ।
माइक्रो बसमा सवार तुलसीपुर–३ श्रीकुला निवासी २२ वर्षीय ज्ञानबहादुर गिरीको उपचारका क्रममा मृत्यु भएको र अन्य १० जना घाइते भएका छन् ।

प्रहरी नायब उपरीक्षक प्रकाश सापकोटाका अनुसार घाइतेमध्ये चार जना गम्भीर रहेको र उनीहरुलाई बाँके अस्पतालमा पठाइएको छ । अन्य ६ जनाको राप्ती अञ्चल अस्पतालमा उपचार भइरहेको छ ।