उदयपुरमा बम विस्फोट, ४ घाइते, कांग्रेस उम्मेदवार कार्कीको अवस्था चिन्ताजनक

काठमाडौ । उदयपुरमा बुधबार बिहान बम विस्फोट हुँदा काँग्रेस उम्मेदवारसहित ४ जना घाइते भएका छन् । उदयपुरगढी नगरपालिका ६ मा बम विस्फोट भएको प्रमुख जिल्ला अधिकारी चन्द्रमान श्रेष्ठले बताए ।

श्रेष्ठका अनुसार बम बिस्फोटमा उदयपुर क्षेत्र नं. २ का कांग्रेस उम्मेदवार नारायणबहादुर कार्की गम्भीर घाइते भएका छन् । उम्मेदवार कार्कीको अवस्था चिन्ताजनक रहेका छ । काकीै निवर्तमान सांसद हुन् । २०७० को  चुनावमा विजयी भएपछि उनी सांसद बनेका थिए ।

बम विस्फोटमा परी राजन कार्की, धनमाया धौलाकोटी र निरा कटुवाल घाइते भएका छन् । घाइते सबै कांग्रेस कार्यकर्ता भएको बुझिएको छ ।

बम विस्फोट लगत्तै उद्धारका लागि प्रहरी टोली घटनास्थल पुगेको र उद्धार गरी घाइते भएका उम्मेदवार कार्कीलार्इ हेलिकोप्टरबाट सिधै काठमाडौं पठाइने प्रमुख जिल्ला अधिकारी श्रेष्ठले जानकारी दिए ।