सुनसरीमा बाम गठबन्धनको घरदैलो कार्यक्रम

सुनसरी । बाम गठबन्धनको घरदैलो कार्यक्रम एमाले बामगठबन्धन सुनसरी क्षेत्र न.१ का साझा उम्मेद्धवार जयकुमार राई क्षेत्र न.१ कै ‘क’ प्रदेशका साझा उम्मेद्धवार प्रदिप भण्डारी तथा क्षेत्र न.१ ‘ख’ प्रदेशका उम्मेद्धवार भिमप्रसाद आचार्य धरानका विभिन्न वडामा घरदैलो कार्यक्रम गरिरहेका छन् ।

वडा न.१५, १३, ११ वराहनगरपालिकाको चतरा, बक्लौरी, भरौलमा प्रतिदिन भोट माग्दै घरदैलो कार्यक्रममा सहभागि भईरहेका छन् । आफ्ना नेता, आफ्ना घर आगंनमा आउदा जनता खुशी छन् ।

विशेष गरेर विष्ण पादुका, भरौल, बक्लौरी, चतराको जनताको आवाज एउटै छ ।
हाम्रो मुख्य बजार धरान हो, हामीले उत्पादन गरेका बेसार, सागसब्जी, दुध, घ्यूउ तेल, चामल बेच्ने ठांउ धराननै हो ।

बर्षा लागे पछाडि धरान जान हामीलाई कठिन हुन्छ । पुल छैन् । जंगलको बाटो चोरी हुने डर निरन्तर हुन्छ, यर्थाशिघ्र सदुर्स खोलामा अनि अन्य खोलाहरुमा पनि पुल बनाउने काम गरियोस् ।

बर्षौ बित्यो, पुल बनिदैन् । जनता आजित नै भएका छन् । बाटो आउदा जादा शान्ति सुरक्षा रहोस । हामीत विगतदेखि नै एमाले नै छौं । अर्को पार्टी रोज्दै रोजेका छैनौं । यसपालि पनि एमालेलाई नै जिताउछौं ।