सवारी चेकजाँचका क्रममा गोली चल्यो, दुई प्रहरी गम्भीर घाइते

सिराहा । सिराहाको निरदनामा सवारी चेकजाँचका क्रममा बाइकमा आएका दुई जनाको अज्ञात समूहले चलाएको गोली लागेर एक प्रहरी जवान र एक म्यादी प्रहरीसहित दुई जना घाइते भएका छन् ।

आइतबार दिउँसो अज्ञात समुहले चलाएको गोली लागि जितना प्रहरी चौकीमा कार्यरत प्रहरी जवान मागेराम यादव र म्यादी प्रहरी आदर्श यादव घाइते भएका हुन् ।

प्रहरी यादवको पेट र म्यादी प्रहरीको कोखमा गोली लागेको छ । गोली कसले र किन चलाएको भन्ने पुष्टि नभएको जिल्ला प्रहरी कार्यलय सिराहले जनाएको छ ।

घाइते दुवैलाई उपचारका लागि वीपी कोइराला धरान लगिएको छ ।