कोरोनाविरुद्ध खोप सरकारको पहिलो प्राथमिकतामा हुनुपर्छ : प्रकाशमान सिंह

काठमाडौं । नेपाली कांग्रेसका नेता प्रकाशमान सिंहले कोरोनाको खोप सरकारको पहिलो प्राथमिकतामा हुनुपर्ने बताएका छन् ।

आज काठमाडौंको छत्रपाटी निःशुल्क चिकित्सालयले गरेको कार्यक्रममा नेता सिंहले प्रधानमन्त्री शेरबहादुर देउवाले संसदमा घोषणा गरेको खोपको प्राथमिकता व्यवहारमा देखिनुपर्ने बताएका हुन् । 

उनले प्रधानमन्त्री देउवाले संसदमा विस्वासको मत लिने क्रममा सबै नेपालीलाई कोरोनाको खोप लगाउने आफ्नो पहिलो प्राथमिकता भएको बताउनु सकारात्मक भएपनि व्यहारमा ल्याउन सुझाव दिए । 

नेता सिंहले कोरोनाको पहिलो डोज खोप मात्र लगाएका धेरैले आफूलाई दोस्रो डोजको बारेमा जिज्ञासा राखेकाले सरकारको प्राथमिकता खोपमै हुुुनुपर्ने तर्क गरे ।

कार्यक्रममा कांग्रेसका संस्थापकमध्येका एक नेता गणेशमान सिंहको अगुवाइमा स्थापना भएको क्षत्रपाटी निःशुल्क चिकित्सालयलाई सहयोग गर्ने विभिन्न व्यक्ति तथा संस्थालाई सम्मान गरिएको थियो ।