अस्तुसहित मलेसियाबाट आयो २३ जनाको शव आयो

काठमाडौं । वैदेशिक रोजगारीका लागि मलेशिया पुगेका २३ नेपालीको शव शनिबार नेपाल ल्याइएको छ । विभिन्न समयमा मृत्यु भएका नेपालीहरुको शव शनिबार बिहान २३ शव र तीन अस्तु त्रिभुवन विमानस्थल आइपुगेका हुन् ।

शनिबार क्वालालम्पुरबाट नियमित उडानमार्फत नेपाली नागरिकका शव नेपाल ल्याइएको हो । यसमध्ये परिवारको सहमतिमा मलेसियामै अन्त्येष्टि गरिएका तीन जनाको भने अस्तु नेपाल ल्याइएको छ ।

मलेसियामा विभिन्न समयमा मृत्यु भएका नेपालीहरुको शव आज बिहान वाइडबडी जहाजमार्फत नेपाल ल्याइएको नेपाल एयरलाइन्सका एक अधिकारीले जानकारी दिए ।

वैदेशिक रोजगार प्रवर्द्धन बोर्डको समन्वयमा नेपाल ल्याइएका यी शव आजै आफन्तको जिम्मा लगाइएको छ । सबैभन्दा बढी नेपाली वैदेशिक रोजगारीमा रहेको मलेसिया नेपाली श्रमिकको धेरै मृत्यु हुने मुलुकमा पर्छ ।