साउन १५ देखि सर्वोच्चका सबै सेवा सुरु

काठमाडौँ । साउन १५ गतेदेखि सर्वोच्च अदालतले सबै सेवा सुचारु गर्ने भएको छ। कोरोना संक्रमणको जोखिमका कारण स्थगित गरिएका नियमित सुनुवाइ सुरु हुने सर्वोच्च अदालतको पूर्ण बैठकले निर्णय गरेको हो। 

यस बीचमा सेवा स्थगित हुँदा हदम्याद, म्याद, तारेख थाम्ने थमाउने सम्बन्धमा यस बीचको हदम्याद नलाग्ने भएको छ। इजलास आलोपालो बस्दै आएकोमा त्यसपछि सबै इजलास बस्नेछन्। 

महान्यायाधिवक्ताको कार्यालयले पनि आइतबारदेखि सबै कर्मचारीलाई बोलाएको छ। यसअघि कर्मचारीलाई आलोपालो बोलाइँदै आएको थियो।