मोबाइल लुटपाटको आरोपमा राजधानीको बौद्धबाट तीन जना पक्राउ

काठमाडौँ । राजधानीको बौद्धबाट मोबाइल लुटपाट गरेको आरोपमा प्रहरीले तीन जनालाई पक्राउ गरेको छ ।

बौद्ध इलाकामा मोबाइल चोरी तथा लुटपाट भएको  गुनासोका आधारमा परिचालित प्रहरी टोलीले २० थान लुटिएको मोबाइल सहित ३ जना पक्राउ गरेको हो ।

पक्राउ पर्नेमा बाराको निजगढ रेगाबस्ती  वडा नं.४ घर भई हाल गोकर्णेश्वर बस्ने समिर तामाङ, निजगढनै घर भइ बौद्ध  बस्ने विरस मगर  र खोटाङको बतासे घर भई गोकर्णेश्वर  बस्ने भिम राई रहेका छन् ।

उनीहरुमाथि थप अनुसन्धान भइरहेको महानगरीय प्रहरी परिसर काठमाडौँले जनाएको छ  ।