मोटरसाइकल दुर्घटनामा परी वडा सदस्यको मृत्यु

इलाम । मोटरसाइकल दुर्घटनामा परी इलाममा एक वडा सदस्यको मृत्यु भएको छ । बुधबार साँझ दुर्घटनामा परेका ३६ वर्षीय धन बहादुर राईको उपचारका क्रममा मृत्यु भएको हो ।

इलाम माङसेबुङ गाउँपालिका–४ मार्चेबुङका सदस्य राई दमक रवि सडकखण्डमा दुर्घटनामा परेका थिए । आफैँले चलाएको मे८प ६०४ नम्बरको मोटरसाइकलबाट घरतर्फ आउँदै गरेको अवस्थामा मोटरसाइकल अनियन्त्रित भई रतुवा पुल नजिक सेतेभिरबाट अन्दाजी करिब १०० मिटर तल झर्दा उनको टाउकोमा चोट देखिएको थियो ।

सख्त घाइते भएका राईलाई उपचारका लागि झापाको बिएन्डसी अस्पताल लगिएको थियो । अस्पताल पुर्याएपछि उनलाई चिकित्सकले मृत घोषणा गरेको जिल्ला जिल्ला प्रहरी कार्यालय इलामका प्रहरी नायब उपरीक्षक तथा सूचना अधिकारी गङ्गाबहादुर थापाले जानकारी दिए । शव हाल बिएन्डसी अस्पतालको शवगृहमा राखिएको बताइएको छ ।