आज कांग्रेसको पदाधिकारी तथा पूर्व पदाधिकारीको बैठक बस्ने

काठमाडौं । महाधिवेसन नजिकिँदै गर्दा नेपाली कांग्रेसको पदाधिकारी तथा पूर्व पदाधिकारीको बैठक नियमित जस्तै बस्न थालेको छ ।

पार्टीको १४ औै महाधिवेशनको छलफलका लागि प्रधानमन्त्री तथा पार्टी सभापति शेरबहादुर देउवाले बैठक बोलाएका हुन्। बैठकमा पार्टीको महाधिवेशनको तयारीको विषयमा सम्बधित भएर छलफल हुने छ ।

बैठक आज दिउँसो २ बजे बोलाइएको नेपाली कांग्रेस केन्द्रीय कार्यालयका मुख्य सचिव कृष्ण पौडेलले जानकारी दिए । पार्टीको केन्द्रीय निर्वाचन समितिले निर्वाचन निर्देशिका तयारी गरिरहेको त्यस विषयमा नेताहरुबीच छलफल हुने मुख्य सचिव पौडेलले बताए ।

साथै, निर्वाचन निर्देशिका निर्माण भइरहेको र त्यसमा केही कमिकमजोरी र विधानका विषयमा समस्या देखिए आजको पदाधिकारी बैठकमा छलफल हुने पौडेलले जानकारी दिए । बैठकमा समसामयिक राजनीतिक विषयमा पनि छलफल हुने बताइएको छ ।