देउवालाई भारतीय राजदूतको बधाई

काठमाडौँ । नवनियुक्त प्रधानमन्त्री शेरबहादुर देउवालाई नेपालका लागि भारतीय राजदूत विनयमोहन क्वात्राले बधाई दिएका छन् ।

क्वात्राले देउवा निवास बुढानिलकण्ठ पुगेर उनलाई बधाई दिएका हुन् । उनीहरुबीच भएको भेटमा दुई मुलुकबीचको सम्बन्धको बारेमा पनि छलफल भएको परराष्ट्र मन्त्रालयले जनाएको छ ।

सर्वोच्च अदालतको परामादेशसँगै नेपाली काँग्रेसका सभापति देउवा मंगलबार प्रधानमन्त्रीमा नियुक्त भएका थिए ।