सवारी दुर्घटनामा एकको मृत्यु

लहान । पूर्वपश्चिम राजमार्गअन्तर्गत सिरहाको गोलबजारमा सवारी दुर्घटनामा एकको मृत्यु भएको छ ।

गोलबजार नगरपालिका-४ स्थित सडकमा स१च १०९९ नम्बरको जिपले साइकललाई ठक्कर दिँदा साइकलयात्री सिरहाको धनगढीमाई नगरपालिका-६ निवासी ५५ वर्षीय जीवछ महतोको मृत्यु भएको हो ।

ठक्करबाट गम्भीर घाइते महतोलाई उपचारको लागि विराटनगरस्थित न्यूरो अस्पताल लैजाने क्रममा बाटोमै मृत्यु भएको प्रहरीले जनाएको छ ।