सिरहामा मोटरसाइकलको ठक्करबाट वृद्धाको मृत्यु

लहान । सिरहाको नरहा गाउँपालिका– ५ स्थित बलुवा चोकमा मोटरसाइकलको ठक्करबाट एक वृद्धाको मृत्यु भएको छ ।

स६ प९०८४ नं को मोटरसाइकलको ठक्करबाट स्थानीयवासी ८० वर्षीया देवकीदेवी यादब गम्भीर घाइते भएका थिए ।

घाइते यादवलाई स्थानीय मेडिकलमा उपचार सम्भव नभएपछि गएराति नै थप उपचारका लागि धरानस्थित बिपी कोइराला स्वास्थ्य विज्ञान प्रतिष्ठानमा पठाएको र उपचारको क्रममो मृत्यु भएको प्रहरीले जनाएको छ ।