गाडीको ठक्करबाट एकको मृत्यु

भद्रपुर । कन्काई इलाका प्रहरी कार्यालयका गाडीको ठक्करबाट एक सर्वसाधारणको मृत्यु भएको छ ।

पूर्व–पश्चिम राजमार्गको कन्काई नगरपालिका–१ दुर्गापुरमा सोमबार साँझ पश्चिमबाट मे८ प१२२३ नम्बरको स्कुटीमा पूर्वतर्फ आइरहेका कोइरालालाई विपरीत दिशाबाट गइरहेको इप्रका कन्काईको मे १ ज ५८६ नम्बरको गाडीले ठक्कर दिएको थियो ।

प्रहरीको गाडीको ठक्करबाट घाइते भएका कोइरालालाई उपचारका लागि विर्तामोडस्थित बिएण्डसी हस्पिटलमा लगिएको थियो । उपचारकै क्रममा मंगलबार बिहान उनको मृत्यु भएको ट्राफिक प्रहरी कार्यालय झापाले जनाएको छ ।

बुद्धशान्ति गाउँपालिका–१ बुधबारेका २७ वर्षीय पंकज कोइरालाका मृत्यु भएको जिल्ला ट्राफिक प्रहरी कार्यालय झापाले जनाएको छ ।