मोटरसाइकल दुर्घटनामा एकको मृत्यु

उर्लाबारी । सुनवर्षी नगरपालिका–२ झपरतोलमा मोटरसाइकल दुर्घटनामा एकजनाको ज्यान गएको छ ।

पश्चिमबाट पूर्वतर्फ जाँदै गरेको मे३ प६६९४ नंको मोटरसाइकल र विपरीत दिशाबाट आउँदै गरेको मे३ प९३१० नंको मोटरसाइकल गएराती एकापसमा ठोक्किँदा ६६९४ नंको चालक रतुवामाई नगरपालिका–२ का ५५ वर्षीय जगदीश सह गम्भीर घाइते भएका थिए ।

उनको उपचारका क्रममा रंगेली अस्पतालमा मृत्यु भएको इलाका प्रहरी कार्यालय रंगेलीका प्रहरी निरीक्षक कविन्द्रकुमार कार्कीले जानकारी दिए ।

दुर्घटनामा परी अर्को मोटरसाइकलका चालक सुनवर्षी– ६ का ४५ वर्षीय रुपनारायण ताजपुरिया घाइते भएका छन् । उनको न्यूरो अस्पताल विराटनगरमा उपचार भइरहेको छ ।