जोमसोमको लागि छुटेको बस दुर्घटना, १९ जना घाइते, ६ को अवस्था गम्भीर

पर्वत । यात्रुबहाक बस दुर्घटना हुँदा १९ जना घाइते भएका छन् ।

विहान ७ बजे पोखराबाट जोमसोमका लागि छुटेको ग१ ख५५९८ नंको बस सोमबार विहान साढे ९ मा पर्वतको बेतेनीमा दुर्घटना भएको प्रहरीले बताएको छ ।

पोखरा बागलुङ राजमार्गको स्तरोन्नति गर्दा सडकमा बनेको खाल्डोमा परेर बस सडकबाट करिव १० फिट तल खसेको थियो ।

प्रहरीका अनुसार गम्भीर घाइते ६ जनालाई आकस्मिक उपचारका लागि पश्चिमाञ्चल क्षेत्रीय अस्पताल पोखरातर्फ पठाइएको छ भने सामान्य घाइते १३ जनाको जिल्ला अस्पताल पर्वतमा उपचार भइरहेको छ ।