वीरगञ्जमा लागु औषधसहित दुई भारतीय पक्राउ

वीरगञ्ज । ठुलो परिमाणको लागु औषधसहित वीरगञ्जबाट दुईजना भारतीय नागरिक पक्राउ परेका छन्। वीरगञ्ज महानगरपालिका वडा नं १६ वीरगञ्ज भन्सार कार्यालय अगाडिबाट भारतको मोतिहारीका ३० वर्षीय निराजन कुमार र रक्सौलका १९ वर्षीय राजन गुप्ता पक्राउ परेका हुन्।

उनीहरुको साथबाट लागु औषध ईन्जेक्सन डाईजेल्याब ५०० पिस, नुर्फिन ५००पिस र फेनरगन ५०० पिस गरी जम्मा १५०० पिस फेला परेको प्रहरीले जनाएको छ।

चेकजाँचका क्रममा सेतो रङ्गको स्कार्पियो गाडीमा सो लागु औषध फेला परेको थियो । पक्राउ परेकाहरुमाथि लागु औषध शीर्षकमा मुद्दा दर्ता गरी अनुसन्धान अघि बढाएको प्रहरीले जनाएको छ ।