टिपरको ठक्करबाट मोटरसाइकल चालकको मृत्यु

हेटौँडा । हेटौँडामा टिपरले मोटरसाइकललाई ठक्कर दिँदा मोटरसाइकल चालकको मृत्यु भएको छ ।

स्थानीय हटियाको शिवम् उद्योगतर्फ जाँदै गरेको ना७ ख७३२३ नंको टिपरले सोही दिशा गइरहेको ना४२ प७०७० नंको मोटरसाइकललाई ठक्कर दिदाँ मोटरसाइकल चालक हेटौँडा उपमहानगरपालिका–१७ त्रिशूली बस्ने २८ वर्षीय टंक न्यौपानेको मृत्यु भएको जिल्ला प्रहरी कार्यालय मकवानपुरका प्रहरी नायब उपरीक्षक नरेशकुमार सिंहले जानकारी दिए ।

मोटरसाइकलमा सवार सोही वडाकी २१ वर्षीया गीता न्यौपाने गम्भीर घाइते भई हेटौँडा अस्पतालबाट थप उपचारका लागि चितवन भरतपुर अस्पतालमा पठाइएको सिंहले जानकारी दिए ।

ठक्कर दिने टिपर चालक घटनास्थलबाटै फरार रहेकाले प्रहरीले निजको खोजी गरिरहेको चौघडा इलाका प्रहरी कार्यालयले जनाएको छ ।